Колку се опарија клубовите во Кочани,Виница …

ВРЗ ОСНОВА НА СИСТЕМ НА БОДУВАЊЕ И КРИТЕРИУМИ, АГЕНЦИЈАТА ЗА МЛАДИ И СПОТ ИМ ДОДЕЛИ ФИНАНСИСКА ПОМОШ НА КЛУБОВИТЕ И ЗДРУЖЕНИЈАТА. ГФК „ОСОГОВО“ ДОБИ ВАУЧЕР ОД 1.100.000 ДЕНАРИ, ЖФК „КОЧАНИ“ – 900.000 ДЕНАРИ, ФК „СЛОГА 1934“ 750.000 ДЕНАРИ … СРЕДСТВА ДОБИЈА И ПОМАЛИТЕ СПОРТСКИ КОЛЕКТИВИ, ЏК „ГЛАДИЈАТОР“ 160.000 ДЕНАРИ, ГИМНАСТИЧАРИТЕ 130.000 ДЕНАРИ, „БАСКЕТ ДИНО“ 200.000 ДЕНАРИ …

Агенцијата за млади и спорт во четвртокот ја објави листата на спортски федерации, клубови и спортисти кои ќе добијат помош преку ваучер системот. На оваа листа се и повеќе клубови од регионот, кои се здобија со солидна финансиска помош, токму во пресрет на пролетната спортска сезона.

Од кочанските клубови ГФК Осогово доби ваучер вреден 1.100.000 денари. Солидна сума доби и ЖФК Кочани, кој се офајди со 900.000 денари. Симболичен износ доби ФК „Фудбал Старс“ со ваучер вреден 40.000 денари. Баскет Дино 200.000 денари, ЏК Гладијатор 160.000 денари, КГС Партизан Кочани со 130.000 денари. Ваучер од 100.000 денари доби Здружението НИКО од Кочани.

ФК „Слога 1934“ Виница, иако е на делба на првата позиција во Втората лига исток доби 750.000 денари. Тоа е за четири ипол пати помалку од ФК „Беласица“ од Струмица, која доби 3.400.000 денари. КБК Лидер Дуќе Виница 100.000, ЗСР Крап Виница 20.000

ФК „Каменица Саса“ е вреднувана со 950.000 денари, а ФК „Кит Го“ од Пехчево со 1.550.000

Кај женските фудбалски екипи, шампионот ЖФК „Каменица Саса“ доби ваучер од 1.900.000 денари.

За жал, меѓу добитниците на ваучери, како финансиска помош од Агенцијата за млади и спорт ги нема прославениот Боречки клуб „Спартак“, Тенискиот клуб „Аква Тен“ Пинпонгарскиот клуб „Кочани“, Велосипедскиот клуб, Шаховскиот клуб, Карате клубовите и други клубови кои поради Ковид пандемијата се пасивни.